Սեպտեմբերի 1, ծիծաղկոտ հայացքներ, փուչիկներ, երգեր ու պարեր…մեծ ոգևորություն ու խնդություն:
Նոր դպրոցում անցկացրած հինգ օրերի ընթացքում արդեն փորձնականորեն ծանոթացա կրթահամալիրի աշխատանքային գործունեությանը: Աշակերտները աշխատում էին իրենց անհատական նոթբուք- նեթբուքներով, իրենց համակարգիչներում ունեիր ուսումնական տարվա ընթացքում անհրաժեշտ թվային դասագրքերը` Թվային դասագրքեր,Ընթերցարան 4-րդ դասարան և Հայոց լեզու 4: Աշակերտները անհատական բլոգներում տեղադրում էին իրենց աշխատանքները, լավագույն աշխատանքները տեղադրվում էին նաև դասարանի բլոգում: 4-րդ և 5-րդ դասարանի աշակերտները սեպտեմբերի 1-5 ներկայացրեցին իրենց հանձնարարված ուսումնական ամառ նախագիծը: Այդ հանձնարարությունը իր մեջ ներառում էր հետևյալ հարցադրումները.
,,Ուսումնական ամառ,, նախագիծ
- Իմ կարդացած գրքերը, կազմել ցանկ
- Ամռան ամենահետաքրքիր գիրքը
- Ամենալավ գրքի ամենահետաքրքիր հերոսը /բնութագրել, նկարագրել, ներկայացնել հերոսի գործողությունների միջավայրը/
- Գրքի գովազդ
- Իմ ճամփորդությունները, կազմել քարտեզ/ստորև ներկայացված է աշակերտների աշխատանքներից/
- Ամենալավ ճամփորդությունը /պատմել, նկարել, ձայնագրություն, ֆիլմ, ֆոտոշար, այլ/:
- Ի՞նչ սովորեցի ճամփորդությունների ընթացքում:
Աշակերտները մեծ ոգևորությամբ պատմում էին իրենց կարդացած գրքերի, իրենց կատարած ճամփորդությունների մասին: Հիացած եմ տիկին Մարգարիտ Հարությունյանի աշխատելաոճով. nա հիանալի մանկավարժ է, ակնառու է նրա մեծ սերը իր աշակերտների նկատմամբ: